Admin
Admin
المساهمات : 57
تاريخ التسجيل : 12/07/2008
 |  موضوع: العلم المصري؟ يا تري مصري؟  الأربعاء سبتمبر 10, 2008 9:51 pm | |
| كل شعوب العلم بتفتخر بأعلامها , وتلاقي الواحد بيعلق علم بلده في البيت واحياناً بتلاقي هدوم عليها علم البلد واهلها بيلبسوها , الا مصر , المصريين مش حاسين بأن العلم بتاعهم , بتاع بلدهم....طب ليه؟ تعالوا نشوف مع بعض العلم بتاع سنة و1881 و 1826 مكانش ليه دعوة مصر خالص , ليه؟ لأنه كان متاخد طبق الاصل من العلم التركي ... يعني العلم كان دليل علي الاستعمار في مصر , وبعدين ده كان رمز للأسرة العلوية لأن النجوم التلاتة معناها التلات القارات اللي غزاهم محمد علي!
طب والعلم الاخضر بتاع 1923 اهو ده كلنا عارفينه وناس كتير بيقولوا نرجعه...لكن برضه انا شايف انهم يدوبك غيروا اللون من الاحمر وخلوه اخضر ’ يعني برضه دليل علي الاستعمار ومقنع كمان , يعني واحد تركي لابس عمة مصرية خضرا....عميل يعني!
طب نيجي بقي للأعلام اللي بعد الثورة...اول علم بتاع 1958 اولاً فيه مليون علم لأكتر من دولة يشبه العلم ده , ثانياً الثلاثة نجوم الخضر واللي كانوا نجمين في الاول معناهم اتحاد مصر وسوريا وبعد ما بقوا تلات نجوم كان قصدهم مصر وليبيا والعراق, وطبعاً مفيش حاجة اسمها قومية عربية ومفيش حاجة اسمها وحدة دلوقتي.
واما صقر قريش ونسر صلاح الدين , فالاتنين دليل علي العروبة والاسلمة , وطبعاً ده ضد العلمانية اللي احنا بنادي بيها!
يعني اي علم من الاعلام دي ملهاش اي علاقة بالمجتمع المصري بأي شكل من الاشكال.....طب وبعدين؟
اقولكم وبعدين , قعدت افكر , افكر , افكر , لحد ما صممت العلم ده , افتكر انه بيرمز لمصر اكتر , الاخضر معناه المساحات الخضرا اللي في مصر , والازرق رمز لنهر النيل الخالد , والاصفر لون رمالك يا مصر , وعين حورس رمز للقوة الملكية . | |
|
أبو الفداء
المساهمات : 24
تاريخ التسجيل : 30/08/2008
العمر : 40
| | موضوع: رد: العلم المصري؟ يا تري مصري؟ الخميس سبتمبر 11, 2008 4:05 am | |
| موضوع جديد ... وطرح رائع... وفكرة غير مطروقة... ولكن... ربما ستحتاج كثيرا من الجهد والبحث لتطبيقها... وكمان....هنغير ختم النسر..؟؟  | |
|
Admin
Admin
المساهمات : 57
تاريخ التسجيل : 12/07/2008
| |
