فكرة حزب جديد

Admin المساهمات : 57 تاريخ التسجيل : 12/07/2008

ليه كل الاحزاب في الشارع المصري بتسعي للسلطة؟؟؟؟ ليه ميكونش فيه احزاب هدفها الوحيد خدمة الشعب ومن اهم مبادئها رفض اي منصب في الحكومة والعمل مع افراد الشعب....حزب ميكونش ليه اتجاه سياسي او ايدلوجية معينة ولكن يصم لكل مصري بيحب مصر....حزب اعضائه مبيحبوش يقعدوا علي مكاتب وكل شغلهم في الشارع...حزب ينظم مؤتمرات شعبية في كل المحافظات ويدرس مشاكل الناس ويحلها بعيد عن الاضواء والشهرة والحكومة...حزب للجمهور ينطق بأسمهم قدام القيادات الحكومية ويدافع عن مطالب الشعب ولكن اهم حاجة زي ماقولنا يبعد عن اي منصب حكومي....حزب مالوش اي اهتمام بأنتخابات او غيره...ليه كل الاحزاب بتدور الاول توصل للحكم علشان بعد كده تخدم الشعب؟؟؟؟ طب اخدموهم من مكانكم بعيد عن السلطة منكم ليهم بالكلمة الطيبة والعمل الجاد الحقيقي تقدروا تساعدوهم وتكسبوهم ويكون الحزب هو بيت كل مصري لما يحتاج المواطن حاجة يروح علي الحزب ميشحططش نفسه في اروقة البيروقراطية الحكومية....حزب يجمع اعضائه من مختلف المؤهلات والاعمال يعني يبقي فيه المحامي اللي يدافع عن المظلومين بدون اجر مادي ويبقي فيه الدكتور اللي يعالج الناس ببلاش والمهندس اللي يبني عقارات ومشروعات للشباب بأجور رمزية او حتي ببلاش وطبعاً هنحتاج رجال اعمال وممولين يساعدوا في المشروعات ديه وكمان هنحتاج دور نشر تقوم بنشر الثقافة بين الناس ويبقي فيه المدرس اللي ينظم فصول لمحو الامية ويبقي فيه الكاتب والمطرب اللي يتغني بصوت الشعب...حلم بس صعب

يوجد "خزب" أو بالأصح حركة اصلاحية باسم "كفاية".